Кніга вядомага пісьменніка Уладзіміра Ліпскага складзена з твораў, якія друкаваліся ў часопісе «Вясёлка» на працягу больш як сарака гадоў. Невялікія апавяданні і казкі – нібыта яскравыя колеры сапраўднай вясёлкі – увабралі разнастайныя прыгоды і адкрыцці, якімі так насычана жыццё дзяцей.

Разам з героямі кнігі маленькія чытачы пасмяюцца і крышачку пасумуюць, праявяць дабрату, дапытлівасць, кемлівасць, уважлівасць і паслухмянасць – і лепш спазнаюць навакольны свет і сябе.