У часопіса беларускіх дзяцей «Вясёлка» – юбілей. Споўнілася трыццаць гадоў з таго часу, калі юныя чытачы атрымалі жаданы падарунак – першы нумар. Тыя яго чытачы, хто чытаў самыя першыя нумары, цяпер самі бацькі, выпісваюць часопіс сваім дзецям. І які б узрост ні быў у «Вясёлкі», яна ніколі не пастарэе, заўжды застанецца верным сябрам дзяцей. І няхай гэта кніга, сябры, стане жаданай і вясёлай сустрэчай з любімымі аўтарамі і любімымі літаратурнымі героямі. Моцнага вам сяброўства з «Вясёлкай»!