Якуб Колас – волат беларускай літаратуры, народжаны на Нёманскай зямлі, які ўвабраў непаўторную прыгажосць роднага краю і перадаў яе неўміручую веліч у сваіх творах. Асабліва магутна гэта ўвасоблена ў паэме «Новая зямля» – унікальным шэдэўры не толькі славянскага свету. Паэма па праву лічыцца энцыклапедыяй народнага жыцця Беларусі, паэтычным нацыянальным гімнам ХХ стагоддзя.

У гэтым фаліянце славуты твор друкуецца на трох мовах: беларускай, рускай і ўпершыню на польскай.