Беларускі пісьменнік Алесь Бадак першыя чароўныя гісторыі для дзяцей напісаў, калі сам яшчэ быў школьнікам. I, хоць ён ўжо ў казкі не верыць, тым не менш, любіць паўтараць, што сюжэты для казачных твораў бярэ з жыцця, нават калі піша пра незвычайныя прыгоды жывёл і птушак. Праўда, пры гэтым дадае, што для таго, каб сюжэт атрымаўся сапраўды неверагодным, спачатку трэба навучыцца разумець мову братоў нашых меншых і не ленавацца назіраць за іх паводзінамі. А самае галоўнае – любіць усё жывое на нашай планеце.