Адным з найбольш значных сярэднявечных гісторыка-мастацкіх твораў усходняга славянства з׳яўляецца летапісны звод «Аповесць мінулых гадоў», які заслужана карыстаецца сусветнай вядомасцю. Яна перакладзена на многія мовы. Трэба вітаць пераказ твора на сучасную беларускую мову, зроблены Уладзімірам Ягоўдзікам. Гэта дасць магчымасць школьнікам і ўсім, хто цікавіцца старажытнай гісторыяй усходняга славянства, бліжэй пазнаёміцца са зместам выдатнага літаратурнага помніка і цікавымі фактамі, якія выкладзены ў ім.