Вас чакае сустрэча з цікавымі казкамі. Упершыню іх надрукаваў у мінулым стагоддзі выдатны рускі вучоны-фалькларыст А. М. Афанасьеў. У выдадзеныя ім кнігі трапіла больш за 600 казак з самых розных мясцін Расіі.

У гэтым казачным зборы, падобным на дзівосны, але адкрыты для ўсіх скарб, як надзвычай каштоўныя камяні-самацветы ці пярынкі з крыла залатога птаха, зіхацяць таксама дваццаць беларускіх народных казак, запісаныя на Гродзеншчыне і Магілёўшчыне фалькларыстамі М. Дзмітрыевым і М. Матросавым. У асобнае выданне яны сабраны ўпершыню. Я пераказаў гэтыя казкі па свайму разуменню і сіле, бо за паўтара стагоддзя з часу іх першапублікацыі шмат якія звычаі і словы даўно ўстарэлі, сталі малазразумелымі і патрабавалі тлумачэнняў. Але ніколі не ўстарэе народная мудрасць, як і не згасне людскя вера ў перамогу дабра над злом.

Дык запрашаю ўсіх вас на свята – свята мудрасці і дабра!

Уладзімір Ягоўдзік