Захаванне паэзіі – асноўная тэма, якая хвалюе Леаніда Дранько-Майсюка. Аўтар упэўнены: калі валадары свету адзіным фронтам выступяць супраць паэтаў – паэзія не знікне. Яна знікне толькі тады, калі сатрэцца мяжа паміж ідэалам і рэчаіснасцю, калі ідэал небяспечна наблізіцца да жыцця – гэта значыць, калі ён будзе знішчаны жыццём.

Сутнасны вобраз паэзіі і наогул хараства – імгненны. Калі ж на гэты вобраз паглядзець з біблейскай вышыні – то такім парадкам можна атрымаць формулу мастацкай вечнасці і прыйсці да разумення, што жыць без паэзіі немагчыма...