Спавядальна-шчырыя, сагрэтыя пачуццем любові да Беларусі і яе людзей паэтычныя творы Е. Лось займаюць адметнае месца ў айчыннай літаратуры. У кнігу ўвайшлі лепшыя вершы і паэмы з кніг «Палачанка», «Людзі добрыя», «Лірыка ліпеня», «Яснавокія мальвы», а таксама створаны напрыканцы жыцця «Бараўлянскі сшытак», трагічныя матывы якога ўсё ж не здольныя перамагчы вялікага жыццёвага аптымізму паэтэсы.