Вобраз Пані – улюбёны вобраз паэзіі Людмілы Рублеўскай, яе альтэр эга, рамантычная творчая жанчына, датклівая і чуллівая, здольная на самаахвяраванне ў імя кахання, яна адчувае сябе чужой у сваім часе і пакутліва шукае ўзаемаразумення. Але адначасова – дастаткова моцная, каб прыняць на сябе адказнасць за лёс Радзімы, абараніць свой талент і сваё каханне.

Любоў да Беларусі, да яе гісторыі, павага да тых, хто працаваў на захаванне культурнай спадчыны народа, праблема захавання гістарычнай памяці – асноўны лейтматыў многіх твораў Людмілы Рублеўскай.