Паэма «Новая зямля» – класічны твор нацыянальнай літаратуры, у якім глыбока адлюстраваны сацыяльныя супярэчнасці беларускай вескі канца XIX стагоддзя. Карціны жыцця і быту сялян дапаўняюцца выключнымі па сваёй маляўнічасці апісаннямі беларускай прыроды.

У паэме «Сымон-музыка» на вобразе галоўнага героя пісьменнік паказаў цяжкае становішча, у якім знаходзіліся народныя таленты ва ўмовах панавання царызму. Разам з тым сцвярджаецца непераможнасць народнага мастацтва як сведчанне духоўнай сілы народа.